الفرق بين الحياة الدينية و الحياة الاجتماعية< ارجو من الجميع المشاركة
ليش ارتباطنا بالدين سبب لنا ضعف بدل ما يسبب قوة
ليش الغرب حريص على ربطنا بالدين بشكل طائفي مشان نضل ضعاف
ليش عنا كل الطوائف الي مرجعها دين واحد بتكره بعضها من دون سبب
يعني لمجرد انو الشخص سني او علوي او شيعي او درزي وغيرها و غيرها
بيكون مكروه من اخوه المسلم الي هوي من طائفة تانية
يمكن بالخليج العربي بتقل الطائفية شوي يعني ما اكتر من طائفتين او تلاتة
بينما في بسوريا او لبنان و غيرها اكتر من اربع اديان وكل دين مقسوم على اكتر من طائفة
يعني في مزيج متل البركان الهامد في حال انفجر بيخرب الدنيا
بس الحمدلله الشعب العربي عم يوعا يوم بعد يوم انو الطائفية عاقبتها وخيمة
نحنا مرجعنا رسول واحد لخالق واحد احد بقى ليش لنكره بعض
انا في البيت الي ربيت فيه كانوا اهلي حريصين على انو ما يزروا الافكار الطائفية براسي
و الحمدالله انا حاليا بحارب الطائفية بكافة اشكالها
و بظن انو ديننا عمره حوالي 1500 سنة كان دين صافي كان دين تام
و لازم نحفظو بقلوبنا ونمضي بحياتنا الاجتماعبة بمعزل عن الدين
يعني بالعبارة الصريحة الدين للقلب و الوطن للجميع
و بحب ذكر اعضاء المنتدى العزيز بأنو اوروبا متل ما كلنا منعرف كانت قمة التخلف ايام الي كانت سلطة الكنيسة هيي الغالبة
و لما حطو دينن بقلوبن و صاروا يزاولوا حياتن الاجتماعية كمواطن ايطالي او الماني و ليس كمسيحي ارثذوكسي او كاثوليكي
في النهاية انا يا اخوة مسلم و بنتمي لطائفة متلي متل غيري
بس انا ما عندي اي انحياز لطائفتي على حساب بقية الطوائف ضمن الحياة الاجتماعية
انا في حياتي الجامعية عندي اصدقاء من اكتر من دين و طائفة و بحاول دائما الغي الحاجز الموجود بين الطوائف في الحيات الاجتماعية
القاعدة الاساسية لصداقتي بأي شخص هيي العمل الصالح
اي يكون صادق و اخلاقي و مؤدب
يمكن طولت عليكن مشكورين
يانتظار ردودكن بحب اعرف شو رأي اعضاء منتدى ارجوان بالطائفية و ارتباط الدين بالحياة الاجتماعية
لأني بحب اعرف درجة وعي اعضاء المنتدى الاعز على قلبي
و اللي بعتبرهن كلن خواتي
مشكورين
الإثنين 18 يوليو 2011, 10:11 am
